કરિયર

મોસમ વિજ્ઞાનનો અનોખો કોર્સ

પહેલા એવું માનવામાં આવતંુ હતું કે માત્ર ખેતીવાડીને જ મોસમ વિભાગ જોડે સાડાબારી છે, પણ હવે આ માન્યતા પુરાણી થઈ ચૂકી છે. સેટેલાઇટના આ યુગમાં સુનામીથી લઈને એરોપ્લેનમાં, મોટાં વહાણોમાં અને રમતગમત જેવાં ક્ષેત્રોમાં પણ આ મોસમ વિભાગની મદદ લેવાતી હોય છે.
 સરકારી વિભાગથી લઈને ભવિષ્યવાણી કરનારી પ્રયોગશાળાઓ, અંતરીક્ષ વિભાગ અને ટેલીવિઝન ક્ષેત્રે આ ઋતુ વિજ્ઞાનનું કરિયર તમારી રાહ જોઈને બેઠું છે. જો તમને હવા, વાદળાં, દરિયો, વરસાદ, ધુમ્મસ, આંધી તોફાન અને વીજળીના કડકવામાં રસ હોય તો ઋતુ વિજ્ઞાન તમારી જિજ્ઞાસાઓ તો સંતોષશે જ સાથે સાથે તમને એક શાનદાર કરિયર પણ આપશે.
 આ ક્ષેત્ર ખૂબ વિશાળ છે. આમા તમને રીસર્ચ, ઓપરેશન વગેરે જેવા કરિયર ઓપ્શન મળી રહેશે. ઓપરેશન અંતર્ગત મોસમ ઉપગ્રહો, રડાર, રિમોટ સેન્સર અને એરપ્રેશર, ટેમ્પરેચર, એન્વાયરન્મેન્ટ વગેરેની સૂચનાઓ ભેગી કરીને મોસમની ભવિષ્યવાણી કરવામાં આવે છે.
 દરિયામાં ચાલતાં મોટાં વહાણો અને માછીમારોને દરિયાઈ ચક્રવાત અને તોફાનની આગાહી આપવાથી જાનમાલનું નુકસાન થતું બચાવી શકાય છે. આમાં કરિયર બનાવવા માટે ક્લાઇમેટોલોજી, હાઇડ્રોમેટોલોજી, મેરીન મટિરીયોલોજી અને એવિએશન મટિરીયોલોજીમાં વિશેષતા મેળવવી પડે.
 વળી રીસર્ચનું પણ એટલું જ મહત્ત્વ છે. મોસમ વિભાગની આગાહી પરજ ઉપગ્રહોને અંતરીક્ષમાં છોડવામાં આવે છે. ખેતપેદાશનું આકલન થાય છે. હવે તો રમતગમતના કર્યક્રમો પણ મોસમ વિભાગની સલાહ લઈને તે ગોઠવવામાં આવે છે.
ૅ મોસમ વિભાગ સાથે સંકળાયેલા લોકો હવા, ભેજ, તાપમાન વગેરેની આંકડાકીય સૂચનાઓ આપીને વિશ્લેષણ કરે છે અને પછી મોસમ કેવો રહેશે તેની આગાહી કરે છે.
મોસમ વિજ્ઞાનના જાણકારોની માંગ વધી છે
દેશની કેટલીય યુનિવર્સિટી અને ઇન્સ્ટિટ્યૂટ મોસમ વિજ્ઞાનમાં ડિગ્રી, ડીપ્લોમા અને પીએચ.ડી.ની ડિગ્રી આપે છે.
મોસમ વિભાગમાં કરિયર બનાવવા ઇચ્છુક યુવાનોએ મોસમ વિજ્ઞાન અને સમુદ્ર વિજ્ઞાનમાં ગ્રેજ્યુએટ અને સ્નાતકોત્તરની સાથે મટિરીયોલોજીમાં એક વરસનો ડીપ્લોમા કોર્સ કરી શકે છે.
શિપિંગ, એવિએશન અને રીમોટ સેન્સિંગમાં કરિયર બની શકે.
મોસમ સલાહકારની નોકરી પણ મળે.
આ ક્ષેત્રે કરિયર બનાવવા માટે વિજ્ઞાનમાં સારા માકર્સ હોવા ઉપરાંત રસ હોવો જરૂરી છે.