valentine's day

શ્રી ગણેશાય નમઃ

વેલેન્ટાઈન ડે એટલે વેવલાવેડાં
 આપણા ગુજરાતમાં તમામ પ્રકારની ઉજવણી થાય છે. ચાહે નાતાલ હોય કે ઈદ, વેલાન્ટાઈ ડે હોય કે ધુળેટી પણ ગુજરાતી સ્ટાઈલમાં. પેલી પંક્તિ છેને ‘ જયાં જયાં વસે ગુજરાતી ત્યાં સદાકાળ ગુજરાત’. ગુજરાતી પીઝા, બર્ગર, નુડલ્સ બધાનું ગુજરાતી કરણ કરી નાંખે. એનોય વાંધો નહિ પણ પાછુ ગુજરાતમાંય સૌરાષ્ટ્ર, મહેસાણા એ બધુ તો ઉભુંજ. ચાલો આજે જરા સૌરાષ્ટ્ર અને મહેસાણા અને અમદાવાદી સ્ટાઈલમાં વેલેન્ટાઈને ડેના પ્રપોઝ કેવી રીતે થાય છે તે જોઈએ.
 જગ્યા માની લો અમદાવાદની નવગુજરાત કોલેજ છે. એક મહેસાણાનો છોકરો છોકરીને વલેન્ટાઈ બનવા માટે પ્રપોઝ કરવાનો છે ચાલો જોઈએ જરા કે એ કેવી રીતે વાત કરે છે. સીધી છોકરી જોડે વાત નહી કરે પણ તેની બહેનપણીને કહેશે. એ રીના મન એવો એક આઈડિયો આયોછ ક આ વેલેન્ટાઈન ડેમાં હારુ નવું હુ કરીએ. આમેય ચા કરતાં કીતલી ગરમ હોય એ નાતે ગર્લફ્રેન્ડ કરતાં તેની ફ્રેન્ડ વધારે નખરાં કરે. તે એમાં મને શું પૂછે છે? રીટાને પૂછને? છોકરો થોડો થોથવાશે પછી વળી પાછો પોતાના ભાઈબંધને ઉદ્ેશીને કહેશે. તે હેં લાલીયા તનતો આ બધાનો બઉ  એક્સપીરીઅન્સ શ. તે તું જ કોંક મુંઢામથી ફાટ ક. લાલીયો લાગ જોઈનેજ બેઠો હોય તેમ કહેશે. જરૂર પણ એક શર્ત. અલા તુ કઈ એ કબુલ બસ! તુ તાર થવા દે. લાલીયો સીધો રીના સાથે વાત કરશે અને પોતાનુંજ સેંટીંગ પાડીને આવશે.
 સ્થળ ઈમેજીન કરી લો કે અમદાવાદની ગુજરાત કોલેજ છે. એક સૌરાષ્ટ્ર નો છોકરો વેલેન્ટાઈનમાં પોતાની ગર્લફ્રેન્ડને પ્રપોઝ કરે છે. આહાહા શું તમારી આંખ્યુંને એ આંખ્યુમાં નીતરતો નેહ, હાચુ કહુ છુ રેણું તુજ મારા મનડાનો મેહ. છોકરીને આ ગમ્યું હોય પણ નકલી અણગમો વ્યક્ત કરતાં કહેશે ‘જાને જુઠ્ઠા’. છોકરો વળી પાછો સાહિત્યના વાયરો ચડી જશે. અરે ગજબ કરી નાંખ્યો. મારા દિલ પર આમ પ્રહાર ના કરો ગોરી જરા મારી આંખ્યુમાં જોવો તમને તમારાજ દર્શન થાશે. અને આ આંખ્યુ આખુ આયખુ તમારાજ દર્શન કરતી રેહશે. મારા રીદીયાની રાણી. છોકરી ને આમ તો આ બધું ગમે છે પણ એને વેલેન્ટાઈન ડે માં છોકરો તેના માટે વિશેષ શું કરવાનો છે તે જાણવામાં રસ હોય છે. એટલે તે કંટાળીને કહેશે. મારે મોડુ થાય છે. છોકરો સમજી જશે કે છોકરી તેને સીધો પોઈન્ટ પર આવવાનું કહે છે. હા વાત જાણે ઈમ છય કે વેલેન્ટાઈન ડે આવવાનો થીયો છે. તે આપણે એ હારુ હું કરવું. એની વિગતે ચર્ચા કરવી‘તી.
 છોકરી હવે બરાબરની બગડશે અને કહેશે. તે વિગતે ચર્ચા કરવામાં આ વેલેન્ટાઈન ડે ચાલ્યો જશે. અને આમને આમ તો હું પણ ચાલી જઈશ. કાલે ઉઠીને મારા છોકરા તને મામા કહેતા હશે. થોડી તો સ્પીડ પકડ ભાઈ.
 આ તો સામાન્ય વાત હતી પણ આવુ વારંવાર બનતુ હોય છે. હવે જોઈએ અમદાવાદી છોકરીઓ તરફથી કે જે પૂરુ અંગ્રેજીય જાણતી નથી અને ગુજરાતીય જાણતી નથી. તેની ભાષા એટલે વડાપાંઉની સાથે ગુજરાતી કઢી. તે કેવી રીતે વાત કરશે. માની લો કે છોકરાંછોકરીઓનું એક ટોળુ ઉભું છે. ‘યુ નો ગાઈસ હવે વેલ ડે નજીકમાં છે. તો જીગ્સ તારા શું પ્લાન છે બેબી?  વેલ ડે એટલે વેલેન્ટાઈન ડે નું શોર્ટફોમ અને આ પ્રશ્ન તેના જીગન્ેશ નામના બોય ફ્રેન્ડને કરી રહી છે તો પ્લીઝ ગેરસમજણ ના કરતાં. વાત આગળ વધારીએ. ‘ લીસન ગયા વખતે તું જે પેલી રેસ્ટોરામાં લઈ ગયો હતોને ! એવી ફુલીશ હરકત ડોન્ટ રીપટ ડીયર ઓખે? એન્ડ ધીસ ટાઈમ વી આર સાપુતારા ગોઈન્ગ ઓકે? તે જાતે પ્રશ્ન કરશે. જાતે જ જવાબ આપશે અને જાતેજ બધુ પ્લાનીંગ કરી કાઢશે. પેલાને ખાલી ખીસામાંજ હાથ નાખવાનો મોકો આપશે કેમ કે આખરે તો એ અમદાવાદીને!
ગાયત્રી જોષી

Why U R here?

ર્શ્રી ગણેશાય નમઃ
હું કેટલાને એકસપ્લેનેશન આપવા જાઉં.  કેે કહીને ફરી જવાની મારી આદત નથી. કે નથી મારે કોઈને એ બતાવવું કે હું સારી છું શું કામ?
મારી સાથેજ આવું કેમ થાય છે તેવા પ્રશ્નો વારંવાર આપણ કરતાં હોઈ એ છીએ. આમ કેમ અને આમ કેમ. થોડા દિવસ માટે આપણે ખૂબ ધમપછાડા કરીએ છીએ. અંતે થાકી હારીને આપણને એ વાતની આદત થઈ જાય છે. જરૂરી તો નથી કે આપણ આપણી જાતને બીજા સમક્ષ ખુલ્લી મુકવી હું શું વિચારું છું તેનાથી કોને કોને ફેર પડે છે તે જાણવું જરૂરી છે. મારા માટે મારા સ્વજન કોણ છે. એવી વ્યક્તિઓ કે જે મારા પર આરોપ મુક્યા કરે છે. વારંવાર મારા પ્રેમની મિત્રતાની કસોટીઓ કર્યા કરે છે. આવા લોકો મારા દોસ્ત કદી નહી. કાંટાનું કામ ભલે કાંટા કરે કાંટા ફુલડાં તો ઠેર ઠેર મહેંક્યાં કરે. દુનિયા દંગલ મચાવે છે કાંટા. એનો મતલબ ક્યારેય એવો નથી થતો કે હું ફુલ છું પણ બીજાઓથી મારે વિચલીત થવાની જરાય જરૂર નથી. મારુ પોતાનું એક વાક્ય હું ભુલી ગઈ હતી કે, સિહોના ટોળા ના હોય સિંહ તો એકજ હોય.
પરિસ્થિતિએ મને સિંહ બનાવી છે. પેલી વાર્તા છેને,
કે એક ઘેટાનું ટોળુ હતું. તેમાં એક વિચિત્ર દેખાતું બચ્ચું પણ હતુ. તેને કોઈ ઘેટાના બચ્ચા રમાડે નહી. અને ઉલટાનું પરેશાન કરે. ત્યારે તે બચ્ચું રડતુ રડતુ માં પાસે ફરિયાદ લઈને આવે. માં કેવી હોય તેને તો તેનું બચ્ચુ રાજા જ લાગેને તેને માટે તેનું બાળક દુનિયાનું સર્વશ્રેષ્ઠ બાળક હોય. તેમ તે વિચિત્ર બચ્ચાની મા પણ તેને સમજાવી દેતી અને હસાવી દેતીં. બચ્ચું ખુબ રાજી થઈ જતું કેમ કે તેની માં તેને જંગલોનો રાજા કહેતી. ધીરે ધીરે બચ્ચુ મોટુ થવા માંડ્યુ તેમ તેમ તેનો દેખાવ બીજા ઘેટાઓ કરતાં અલગ પડવાં લાગ્યો. અને ઘેટાં તેને બીલકુલ બોલાનું બંધ કરી દીધું.  બચ્ચું એકલું એકલું હીજરાતું પણ કોને કહે, માં માટે તો તે સૌથી ખૂબસુરત ઘેટુ હતો. એક દિવસ એક વાઘે ઘેટાના ટોળા પર આક્રમણ કર્યુ. ઘેટા આમ તેમ ભાગવા લાગ્યા. પેલું વિચિત્ર દેખાવ વાળું ઘેટુ પણ ધ્રુજી ગયું. વાઘે તેની માં ને મોંમા લીધી. ત્યારે પેલા વિચિત્ર દેખાવ વાળા ઘેટાએ ત્રાડ નાંખી અને જાણે આખું જંગલ ગાજી ઉઠ્યું વાઘ તો તરતજ તેની મા ને છોડી ને નાઠો. અને બીજા ઘેટા પશુ પક્ષી તમામ ત્યાંથી ભાગી છુટ્યું. ફ્કત પેલા બચ્ચાની માં અને બચ્ચું ત્યા ઉભા રહ્યાં. ઘેટી રડવા માંડી અને ફરી બચ્ચુ આવું ક્યારેય નહી કરે તેની બાંહેધરી લઈને એ અને બચ્ચું પોતાના રહેઠાણ તરફ પાછા વળતાં હતાં.  રસ્તામાં એક સિંહણ આડી ઉતરી બચ્ચું અને માં બંને એકદમ ડરીગયા પણ આ શું ! સિંહણની આંખમાં એક નમી હતી. તે તો બચ્ચાને અચાનકજ વળગી પડી. પેલી ઘેટી સિંયાવીયાં થઈ ગઈ કેમ કે, તેને સિંહણ પોતાના બચ્ચાને ખાઈ જશે તેવી બીક લાગી ગઈ હતી. પણ તેણે સિંહણની બચ્ચાં પ્રત્યેની મમતા જોઈ અને ડર ક્યાક ગાયબ થઈ ગયો. બચ્ચુ તો કાંઈ સમજ્યુજ નહોતું. સિંહણે ખુલાસો કર્યો કે જ્યારે બચ્ચાએ ડણક નાખી‘તી ત્યારે મને મારૂ ખોવાયેલું શિશુ યાદ આવ્યું. આ મારૂ ખોવાયેલ બચ્ચું છે. ત્યારે ઘેટીની આંખમાંથી તો દડ દડ આંસુડા વહેવા માંડ્યા. કેમ કે, તે જાણતી હતી કે આ ઘેટાનું બચ્ચું નહતું. ધીરે ધીરે તેણે જણાવ્યુ કે, કેવી રીતે એક રાતે ઘેટી નદીમાં પાણી પીવા ગઈ હતી અને આ સિંહબાળ ત્યાં તણાઈને આવ્યું હતુ. અને ઘેટી તેના બચાવી ને પોતાના બાળકની જેમ ઉર્છેયુ હતુ એટલે કે એક ઘેટાની જેમ.
 સિંહણ એકદમ ત્રાડ પાડી અને બચ્ચાંને ક્હ્યું ‘બીકણ બચ્ચા લાખ, લાખે બીચારા, સિંહણ બચ્ચાં એક એકે હજારા.’  અને તે વિચિત્ર બચ્ચાને અહેસાસ થયો કે પોતે એક સામાન્ય ઘેટુ નથી. આ તમામ  વનરાજીનો રાજા છે. અને તેની ચાલ માં જબરી અડગતા આવી તેની આંખ એકદમ ચમકી ઉઠી.
 મુદ્ે કહેવાની વાત એટલી કે, ડરો નહી બસ આગળ વધો.

for my friend

ખબર નહી કેમ પણ મન ખૂબ ગભરાતું હતું. કંઈક ખરાબ થવાનો અંદેશો વારંવાર મને વિચલીત કરી જતો હતો. અને બન્યું પણ કંઈક એવુજ શું ખરેખર . ખબર નહી પણ કેમ આમ થઈ રહ્યુ હતું હું જેટલો જીવનને સમજવાનો પ્રયત્ન કરુ છું જીવન એટલું જટીલ બનતું જાય છે. શું આજ જીવન છે. ઘણીવાર ઇશ્વર સાથે હું લડી છું પણ આ ઈશ્વર છે કે સુધરતોજ નથી. હા આ ઉપરવાળા ભગવાન બની બેઠેલા પરમેશ્વરનેજ કહું છુ કેમ આમ કરે છે. માણસને કાલ સુધી કશી ખબર પણ ના હોય અને આજે અચાનકજ દુનિયા બદલાઈ જાય. કાલ સુધી જેને જાણતાં પણ ના હોય તે સાથી બની જાય અને જેને આખી જીંદગી હમસફર તરીકે માંગતા હોઈએ તે અચાનક સાથ છોડીને અજનબી બની જાય.