Joshi Gayatri

સ્ત્રી સુંદર એટલા માટે છે કે એ ક્ષમા કરી શકે છે.

https://ગીરા,

મને ખબર છે તુ નારાજ છે મારાથી મને તું મળવાની નથી. પણ કાલે મારી વાત વીષ્ણુ જોડે થઈ

મેં એને સાવસામાન્ય પ્રશ્ન પૂછ્યો કે પુરષોને સ્ત્રીઓનું આકર્ષણ કેમ છે?

અને આ નારીઓ વાત વાતમાં રીસાઈ શુ કામ જાય છે?

એણે એજ ઠંડક સાથે મારી સામે જોયુ એજ નખરાળી આંખો અને મનની આરપાર ઘૂસી વેધક નજરે મને પૂછ્યુ શીવજી તમે તો અર્ધનારી નટેશ્વર કહેવાઓ છો તો આ નારીને નરને લગતા સવાલો મને કેમ કરો છો?

મા ગીરા ઘડીક રીસાયા શુ તમે તો તમામ નારી જાતી માટે ભળતા જ વિચારો કહેવા લાગ્યા

ના નારાયણ એવું જરાય નથી પણ નારીને નર બે ઉ એકબીજાના પુરક છે સંસારમાં બંનેની જગ્યા સમાન છે તો પછી નર નારી પાછળ શું કામ ફરે છે અને તે આટલી આકષર્ક અને સુંદર કેમ છે

મહાદેવ તમારે આ વાત પૂછવાની જરૂર પડી જાણીને નવાઈ લાગી

થોડીવાર માટે તો મને એમ જ થયુ કે આ વિષ્ણુ જોડેનો વાતાર્લાપ વ્યર્થ જશે.

પણ પછી તેણે મુદાની વાત કરી

સ્ત્રી સુંદર એટલા માટે છે કે એ ક્ષમા કરી શકે છે.

અને બસ મને વાત સમજાઈ ગઈ કે પોતાના પતિ માટે યમરાજ જોડે લડી શકે રાવણ સાથે હોવા છતાંય રામની રાહ જોઈ શકે ભરી સભામાં ચીરહરણ થવા છતાંય દ્રોપદી પતિઓનો સાથ આપી શકે. ગમે તેટલી ભૂલો છતાંય પતિને માફ કરીને પહેલા જેટલો જ પ્રેમ કરી શકે.

નારી હંમેશા સુંદર છે અને રહેશે હું મારી ભુલ કબુલુ છું હવે કૈલાષ આવી જા. -

- ભૂતડાઓનો સાથી સ્મશાનનો નીવાસી મહાદેવ

/gayatri.joshi.5661

જીવીની જીજીવિષા

જીવીની જીજીવિષા

એનું નામ જીવી. જીવી મૂળતો ગુજરાતના ખાખરીયામાં જન્મેલ ગામડાની છોકરી. બે બેનો ને ત્રણ ભાઈ એમાં જીવી નો નંબર ત્રીજો. સામાન્ય રીતે સામાન્ય ઘરમાં સાવ સામાન્ય છોકરી જીવીને ડિસાના કરસન જોડે પરણાવીને મા-બાપે ગંગાનહાયાનો સંતોષ માન્યો કે ચલો સૌથી નાની દીકરીનાય હાથ હવે પીળા થઈ ગયા હવે આપણે છુટ્ટા.
પણ પણ જીવીના જીવનની ખરી શરૂઆત કરસન સાથે થઈ. 18 વર્ષની જીવીને તો કરસન જ દનિયાને કરસનનો પરિવાર જ તેનુ વિશ્વ. હેયને ટેસથી કરસન રોજ સવારે જીવીના હાથે બનાવેલ અમૃત સમી વાટકો ભરીને આખા દુધની ખોટ જેવી ચા ને એક આખા જુવારના રોટલાનું શીરામણ કરીને ટ્રેકટર પર ખેતર જવા ઉપડે. રસ્તામાં જે મળે તેને રામ રામ કહેતા જાય ને કામની ગોઠવણ કરતો જાય.

બપોરની વેળા થાયને જીવી કરસન માટે સરસ મજાનું દાળ-ભાત શાક-રોટલીનું ટીફીન લઈને ખેતર ઉપડે બેઉં માણસ ભેગા જમે અને નમતા પોરે સાથે ઘેર આવે. આ તેમનો નિત્યક્રમ. આમને આમ વરસ વિત્યુને જીવીને ખોળો મંડાણો.

કરસનના ખોરડા પર તો જાણે ઈશ્વરનું વરદાન ઉતર્યુ. પણ આ વરદાન જીવીને કરસનના જીવનમાં ઝંઝાવાત લઈ આવશે એની તેમને ક્યાં ખબર હતી. જીવી પ્રાથમીક આરોગ્ય કેન્દ્રમાં તપાસ કરાવવા ગઈને ત્યાં માલુમ પડયુ કે જીવી એચઆઈવી પોઝીટીવ છે.

19 વર્ષની જીવીને કંઈ ખાસ સમજાયુ નહી. પણ જ્યારે ડોક્ટરે કરસનના લોહીની પણ તપાસ કરી ત્યારે ખબર પડી કે કરસન એચઆઈવી પોઝીટીવ હતોજ એટલું જ નહી પણ તેનો એચઆઈવી એઈડસમાં પરિણમી ચુક્યો હતો. અને તે પોતે તેની દવા પણ લેતો હતો. અને
જાણે જીવીના પગમાંથી કોઈએ જમીન ખેંચી લીધી. તમામ સગાસંબધીઓએ જીવીને કરસનથી સંબધો કાપી નાંખ્યા. ત્યાં સુધી કે તેના સાસુ- સસરાએ પણ કરસન અને જીવીને ઘરનો દરવાજો દેખાડી દીધો.

જીવી માથે એ વખતે જાણે આભ તુટી પડયું. તેને સમજાયુ કે આની કોઈ દવા નથી. પણ હા જો તે યોગ્ય સારવાર કરાવે તો તેનાથી થનારા બાળકને એચઆઈવીના ચેપથી બચાવી શકે છે.
જીવીએ મનમાં ગાંઠ વાળી કે હવે તો જીંદગી સામે લડી જ લેવું છે મારુ બાળક તો એચઆઈવીગ્રસ્ત નહી જ આવવા દઉં. અને આ તમામ બાબતોનો ભાર કરસન પર એવો પડ્યો કે તેણે ગામનો કૂવો પુરયો. એટલે જીવીની રહી સહી ઉમ્મીદ પર પણ પાણી ફરી વળ્યુ. પણ કહે છે ને કે ચાહ હોય ત્યાં રાહ હોય જ.

જીવીના ભાઈ જીવીને અમદાવાદ લઈ આવ્યા. અહીંની હોસ્પિટલમાં તેની સારવાર શરૂ કરાવી તેને પુરા મહિને એચઆઈવી નેગેટીવ દિકરી અવતરી.
આજે આ વાતને પૂરા 7 વર્ષ થઈ ચુક્યા છે જીવીએ એચઆઈવી પોઝેટીવ વ્યિક્ત સાથે ફરીવાર લગ્ન કરી લીધા છે તેની દીકરી સ્નેહા અંગ્રેજી માધ્યમમા ભણે છે અને જીવી એચઆઈવીનો ભોગ બનતા લોકોમાં જીજીવીષા જગાડવાનો ભેખ લઈને બેઠી છે.

દોસ્તો આ સાવ સાચી વાત છે કાલે ફરી મળીશુ ફરી કોઈ સામાન્ય વ્યક્તિના અસામાન્ય સાહસની વાત લઈને

- ગાયત્રી જોષી

મન હોય તો માળવે જવાય

મન હોય તો માળવે જવાય
નામે જીગર. અને નામ મુજબ જ જીગરવાળો પણ ખરો. જન્યો ત્યારે મા-બાપે આજુબાજુની દસ સોસાયટીઓમાં પેંડા વહેંચ્યા હતા. હસતા રમતા બાળપણ વિતવા લાગ્યુને એક દિવસ સાવ સામાન્ય તાવ આવ્યો ડોક્ટરે ઈન્જેકશન આપ્યુને જીગરનો તાવ તો ઉતરી ગયો પણ પગ.... પણ પગ કાયમ માટે રસ્તા પર ચાલવાનું ભુલી ગયા.

જીગરને સમજાયુ નહી કે કાલ સુધી તો તે દોડપકડ રમતો મમ્મીનો પાલવ પકડીને પાછળ પાછળ પડતો પણ હવે હવે એના પગ એનું કહયુ નહોતા માનતા. ગમે તેટલી તાકાત લગાવે જોર કરે પણ હઠીલા એવા હઠે ભરાતા કે જીગર જોર જોરથી રડી પડતો. મમ્મી પોતાના રાજકુમારને ફોસલાવીને શાંત કરાવતી અને તેનું ધ્યાન બીજી વાતોમાં દોરતી. બાળસહજ માનસ પગને ભુલીને બીજી રમતો અને વાતોમાં પરોવાઈ જતું. પણ જેમ જેમ મોટો થતો ગયો તેમ તેમ તેને સમજાયું કે હું સામાન્ય નથી. અસામાન્ય પણ નથી. પણ હું કંઈક સ્પેશ્યલ છું.

જીગરના માતા-પિતાએ પણ જીગરને કયારેય પણ એવું લાગવા ન દીધુ કે તે પોતે કોઈ રીતે પાછો પડે તેમ છે. જીગર સામાન્ય લોકો સાથે ભણ્યો. ધીરે ધીરે તેને સમજાયુ કે બીજા લોકો જે સરળતાથી કરી શકતા તે પોતે ના કરી શકતો અને બસ તેણે નીધાર્ર કર્યો કે હવે હું સામાન્ય માણસો સાથે જ મારી હરિફાઈ કરીશ. અને તેનો સંઘર્ષ શરૂ થયો. દિવસો વિતતા ગયા તેમ તેમ તેની સ્પર્ધા પણ વધતી ગઈ. પણ જીગરે હાર ન માની. એવામાં ગુજરાતમાં ધરતીકંપના આચંકા આવ્યા અને કંઈ કેટલાય લોકોના ઘર રોળાઈ ગયા સાથે સાથે ઘણાએ જીવ ગુમાવ્યા તો અમુકના હિસ્સે આવી જીવનભરની અપંગતા. જીજ્ઞા પણ આવી જ એક નસીબની મારી યુવતી હતી. 21 વર્ષની ઉમંરે સાજી નરવી જીજ્ઞાએ ભુંકપમાં પોતાના પગ ગુમાવ્યા.

પણ નસીબ કરે તે સહી એમ માનીને જીજ્ઞા સામાન્ય જીવન જીવવાના પ્રયત્ન કરતી પણ કુદરતની ક્રુર મજાક માટે ક્યારેક ક્યારેક એકલામાં આંસુ સારી લેતી. એવામાં તેની મુલાકાત જીગર સાથે થઈ અને બસ બંને સાથે જીવવાનું નક્કી કર્યુ વાજતે ગાજતે બંને પ્રભુતામાં પગલા પાડયા. ખરી કસોટી હવે શરૂ થઈ. જીજ્ઞાનો કમરથી નીચેનો ભાગ પેરાલીસીસના સપાટામાં હતો અને તે પોતાના પગ પર ઉભી થઈ શકે એમ નહતી પણ કહે છે ને કે કુદરતની લીલા ન્યારી છે જીગર અને જીજ્ઞાના આંગણામાં ફુલ ખીલવાનું હતું પણ ડિલવરી કેમ થાય તે ડોક્ટર અને બીજા બધાય માટે એક પ્રાણ પ્રશ્ન હતો. તેમ છતાં પુરા મહિને સીઝેરીયનથી જીગર અને જીજ્ઞાનો કુળદીપક જશ દુનિયામાં પ્રકાશ ફેલાવા આવી ગયો. અને આજે જીગર અને જીજ્ઞા બંને તેમના જેવાજ સ્પેશ્યલો લોકોની સેવામાં તેમને સામાન્ય જગ્યાએ નોકરી અપાવવામાં તેમના મેરેજ કરાવવામાં તેમને બીજી કોઈ મદદ કરવામાં પોતાના જીવનનું સાફલ્ય સમજી તેનેજ જીવે છે.

મિત્રો અમદાવાદને આંગણે આ દંપત્તિ પોતાના પરિવાર સાથે કિલ્લોલ કરે છે આ સાવ સાચી ઘટના છે કાલે ફરી કોઈ જીવતી નવલીકા લઈને મળીશું.

- ગાયત્રી જોષી

કાયદા

પ્રેમમાં કોઈ કાયદા નથી હોતા
કેટલાક શબ્દોના માયના નથી હોતા
બધા આપણને ગમતા લોકો
કાંઈ આપણા નથી હોતા

જીવન જીવનારા બધા
કાંઈ જીવતા નથી હોતા

ગીતતો ગમે છે બધાયને
કેટલાક શબ્દોના માયના નથી હોતા

ઉંઘે છે તો લોકો બધાય
ઉંઘમાં બધાને સપના નથી હોતા

અવાજ તો છે બક્ષીસ અણમોલ
કેટલીક ખામોશીના મતલબ નથી હોતા

કિનારા પ્રેમના દરિયામાં કસ્તી ડૂબેજ
કેમ કે પ્રેમના દરિયાને કિનારા નથી હોતા

ફસ્ટ યરના ક્લાસમાં

ક્યાંક ખુશખુશાલ ટોળુ હતુ
ક્યાંક ફફડતુ એકલુ પંખીડુ હતુ
ફસ્ટ યરના ક્લાસમાં
કોઈ ટોળ ટપ્પા અને ગપ્પામાં મસ્ત હતું
કોઈ ઘરે જવાની ઉતાવળમાં વ્યસ્ત હતું
ફસ્ટ યરના ક્લાસમાં

કેટલાકની આંખોમાં રંગીન વિશ્વ હતુ
કેટલાકને માટે ભણવાનુ સ્થળ હતુ
ફસ્ટ યરના ક્લાસમાં

કો‘ક છોકરીઓની પાછળ ફરતું હતુ
તો કો‘કના મગજ માત્ર ભમતું હતુ
ફસ્ટ યરના ક્લાસમાં

કંઈક ક્યાંક ભરાતુને ઠલવાતુ હતુ
‘કિનારા’ કંઈક ડૂબતુ અને તરતુ હતુ
ફસ્ટ યરના ક્લાસમાં

બેરીસ્તા

બેરીસ્તાની ખુરશીમાં એક ગ્રૃપ
બે છોકરાને બે છોકરી બેઠાહતા

છોકરી હસવામાં એને છોકરાઓ
પટાવવામાં મશગૂલ હતા
બેરીસ્તાની ખુરશીમાં

મોટા મા બાપની આ ખોટી ઓલાદો
પૈસા વાપરવામાં મશગૂલ હતા
બેરીસ્તાની ખુરશીમાં

છોકરો કહે હું બેશરમ છું અને
છોકરી કહે સાલા
બેરીસ્તાની ખુરશીમાં

ભૂલથી ઉનાળાની બળબળતી બપોરે
જઈ ચડીતી હું ય
બેરીસ્તાની ખુરશીમાં

ગઈ હતી શાંતીની શોધમાં
નર્યો કકળાટ ભરીને આવી
બેરીસ્તાની ખુરશીમાં

શું પીશ ને શા ના પીશ
એમાં મશગૂલ હતું ગ્રૃપ
બેરીસ્તાની ખુરશીમાં

મજબૂર

કલમને લખવા માટે મજબૂર કર
કાગળને સળગવા માટે મજબૂર કર

ગળે પડેલી કમ નસીબીને
યાર સદ્નસીબી બનવા મજબૂર કર

ઝંઝાવાત, તોફાન ને વંટોળમાં
તુ કસ્તીને કિનારે પહોંચવા મજબૂર કર

ભાગતો ફરે ભલે ઈશ્વર તુજ થી
એને ખુદ તને મળવુ પડે મજબૂર કર

જીવનની ગમે તેટલી મજબૂરીમાંય
તુ મજબૂર ના બને મજબૂરીને મજબૂર કર

ક્ષણે ક્ષણે યુધ્ધ જીવનમાં છે તારા
હર યુધ્ધમાં જીતને જીતવા મજબૂર કર

દુઃખ દર્દ આવે ભલે જીવનમાં
દુઃખજ બને દવા દર્દને મજબૂર કર

કિનારા જીવન છે અણમોલ
મોતને જીવનમાં તબદીલ કરવા મજબૂર કર

jism 2

^{Movie Name: ‘જીસ્મ ટુ’}

^{Star Cast: સની લિયોન, રણદીપ હુડા, અરુણોદય સિંગ, આરીફ ઝકારીઆ}

^{Director: પૂજા ભટ્ટ}

^{Producer: પૂજા ભટ્ટ}

^{Writer: મહેશ ભટ્ટ}

^{Music Director: મીથુન, રૂષક, અબ્દુલ બાસીત સાઈદ}

^{Singer: ગાયકઃ કે. કે. અલી અઝમત, સોનુ કક્કર, રૂષક, શ્રેયા ઘોષાલ, ઉનુષા}

^{Review By Gaytri Joshi - (Abhiyaan)}

_{‘જીસ્મ ટુ’માં ખરેખર એક યુવતી અને તેના જીસ્મના ઉપયોગની જ વાત છે.}

_{સ્ટોરી
ખૂબ સરસ છે. સ્ટોરી ટાઇટલને સંપૂર્ણ મેચ કરે છે. પોર્ન સ્ટાર ઇઝના(સની
લિયોન) પોતાના જીસ્મ એટલે કે શરીરનો ઉપયોગ એક દેશપ્રેમી પોલીસ ઓફિસરમાંથી
ગુનેગાર બનેલા તેના જૂના પ્રેમી કબીર (રણદીપ હુડા)ને પકડવા અને બદલો લેવા
માટે કરે છે. અયાન (અરુણોદય સિંગ) એક ઇન્ટેલિજન્સ કોપ હોય છે અને ગુરુ તેનો
સુપીરિયર બોસ. અને આ લોકો તેનો ઉપયોગ દેશપ્રેમી સંસ્થાને નામે વાૅર
ઇન્ડસ્ટ્રી માટે કામ કરતાં અરુણોદય અને તેનો બોસ ગુરુ તેનો ઉપયોગ કબીર
પાસેથી ડેટા લેવા કરે છે. અંતમાં બધા ખુલાસા થાય છે અને લવ ટ્રાયેન્ગલમાં
આખરે ઈઝના, કબીર, અયાન, અને ગુરુ ચારેય જણા એક બીજાને મારી નાંખે છે. આ જ છે સ્ટોરી, પણ નબળા સ્ક્રીન પ્લેને લીધે સ્ટોરી થોડી નબળી લાગે છે.}

_{ફિલ્મમાં આપણને બીજા પણ કેટલાક સવાલો થાય જેમ કે ઈઝના પોર્ન સ્ટાર કેવી રીતે બની વગેરે વગેરે.}

_{પણ
જો આ ફિલ્મનું ડ્રાઇવર કહી શકાય તો તે છે સની લિયોન. સની લિયોને પોતાના
આકર્ષક શરીરની સાથે સાથે એક્ટિંગ પણ કરી છે અને તેના માટે પૂજા ભટ્ટને ફુલ
માર્ક આપી શકાય. એઝ યુઝ્વલ રણદીપ હુડા ઈઝ રોક. તેનું પર્ફોર્મન્સ ખરેખર
બેનમૂન છે. તેની ડાયલોગ્સ ડિલિવરી પણ સારી છે. અરુણોદય અભિનયના મામલે મોળો
પડે છે. બાકી ગુરુના પાત્રમાં આરીફ જામે છે.}

_{મ્યુઝિક ફિલ્મનોે પ્લસ પોઇન્ટ છે. ફિલ્મનાં દરેક ગીત ગમી જાય તેવા છે. સાથે સાથે ધમાલિયા નહીં, પણ
ખૂબ સ્વસ્થ છે. ફિલ્મમાં નિગમ બોસઝોનની સિનેમેટોગ્રાફી પણ કમાલ કરી જાય
છે. અમુક સીન્સ એઝ યુઝ્વલ થોડી થ્રીલ કરાવી જાય છે. પિક્ચરાઇઝેશન અદ્ભુત
છે. શ્રીલંકાના હરિયાળા સ્પોટ ફિલ્મમાં એક ગ્રીનેરી અને ફ્રેશનેસનો અનુભવ
કરાવે છે.}

_{ફિલ્મ પોર્ન સ્ટાર સની લિયોનની છે, એટલે સેક્સથી ભરપૂર હશે તેવી માનસિકતા સાથે ફિલ્મ જોવા જતાં લોકો સાવ સાચા નથી પડતાં, કેમ કે સામાન્ય મૂવી જેવા જ કિસિંગ સીન્સ ફિલ્મમાં છે. ફિલ્મ એક એડલ્ટ મૂવી છે. એટલે બીજો કોઈ પ્રશ્ન થતો નથી, પણ ક્યાંક ક્યાંક તમને કહાની બોરિંગ કરવા લાગે સાથે સાથે મૂવી જોતા જોતા ‘ગેન્ગસ્ટર’ની યાદ પણ આવી જાય.}

_{ફિલ્મના
અંતમાં ઈઝના પોતાના પ્રેમી કબીરની હત્યા કરે છે. આયાન પોતાના પિતા સમાન
બોસ ગુરુની હત્યા કરે છે અને છેવટે અયાન ઈઝનાની અને ઈઝના અયાનની હત્યા કરે
છે અને મૂવી પૂરી થાય છે. ઈઝનાનો મતલબ થાય રોશની - અજવાળું. સની લિયોને
તેના જીસ્મનો ઉપયોગ ફિલ્મ મેળવવાથી લઈને ફિલ્મમાં પણ ખૂબ કર્યો છે, એટલે એમ કહી શકાય કે ફિલ્મનું નામ જીસ્મ ટુ પરફેક્ટ છે.}

^{Public Reviews:}

^{ફિલ્મમાં
સની લિયોન ઈઝ રોકિંગ યાર. વેરી હોટ એન્ડ બ્યુટીફુલ. ફિલ્મનું નામ જીસ્મ ટુ
ફિલ્મને બરોબર શૂટ કરે છે. મને ફિલ્મ ગમી. હું મારા દોસ્તો સાથે ફરીથી આ
ફિલ્મ જોવા જરૂરથી આવીશ.}

ગમે તેમ કહો પણ રણદીપ હુડાની એક્ટિંગ મને ગમી. એની ડાયલોગ ડિલિવરી કહેવી પડે. એનો અવાજ જાણે જાદુ. હું તો રણદીપની ફ્રેન્ડ બની ગઈ. જોકે ફિલ્મ સારી છે, પણ હું બીજી વાર જોવાનું પસંદ ના કરું.

^{ગમે તે કહો પણ સની લિયોન ખૂબ સરસ લાગે છે. સાથે સાથે તે એક્ટિંગ પણ કરી જાણે છે, પણ અરુણોદયની જગ્યાએ બીજા કોઈને પણ લીધો હોત તો તે સારી એક્ટિંગ કરત.}

હું તો બીજી વાર પણ ફિલ્મ જોવા આવવાનો. હા, ફિલ્મ તેના પ્રોમો જેટલી સરસ નથી, પણ તેનું મ્યુઝિક અને લોકેશન્સ કમાલના છ

rojnishi

ખબર નહી પણ જેમ જેમ સમય વિતતો જતો હતો તેમ તેમ હું કદાચ રીઢી થતી જતી હતી. મને જે ઘર માં કે સ્કુલ કોલેજમાં પણ શીખવા નહોતુ મળ્યુ તે મને અહીં ફરજના ભાગ રૂપે શીખવા મળી ર્હયુ હતુ, જુઠ્ઠ્ઠાણું કોઈને કોઈની સાથે જબરજસ્તી જોડી દેવાનું. ચો તરફ નર્યુ જુઠ. એમાં સત્ય નહોતુ એવુ નહોતુ પણ બીચારું સત્ય ખબર નહી ક્યાં ખોવાઈ ગયુ હતુ.
દરેકને ચચા માં રસ હતો. મને હવે સમજાતુ હતુ કે સફળ અને ગ્લેમર વ્લર્ડથી માણસો દુર કેમ ભાગતા હતાં કેમ કે અહીં માત્ર અને માત્ર તણાવ હતો જુઠ્ઠ્ઠો દેખાવ. દબદબો કંઈજ સાચુ નહોતું. લોકો એકબીજાના શત્રુ હતા ખહર નહી કેમ પણ મારા દુશ્મનો ની સંખ્યા વધુ હતી દોસ્તો કરતાં.
હું આને મારી સફળતા કહુ કે પ્રોબ્લેમ ખબર નહી શું કહેવું પણ હા એટલુ જરૂર હતુ કે સામાન્ય માણસ જેટલુ સુખ બીજે ક્યાંય નથી.

GANGS of Vasepur 2

^{Movie Name: ગેંગ્સ ઓફ વાસેપુર}

^{Star Cast: મનોજ બાજયેપી,}

^{Director: અનુરાગ કશ્યપ}

^{Producer: અનુરાગ કશ્યપ, સુનિલ બોરા}

^{Music Director: સ્નેહા ખનવાલકર}

^{Genre: ક્રાઈમ}

^{ગેંગ ઓફ વાસેપુર ભાગ-૨}

^{૮મી
ઓગસ્ટે ‘ગેંગ ઓફ વાસેપુર’નો બીજો ભાગ રિલીઝ થવાનો છે. ગેંગ ઓફ વાસેપુરે
ખાસ્સું આકર્ષણ જમાવ્યું હતું અને ફિલ્મ બોક્સ ઓફિસ પર સફળ રહી હતી.
ફિલ્મના બીજા ભાગમાં સ્ટોરી જયાંથી અટકી હતી ત્યાંથી જ આગળ વધશે, પણ ઘણાં
રસપ્રદ બદલાવને કારણે ફિલ્મ માણવા લાયક બનશે. જેમાં મનોજ બાજપેઇનો સમય
સમાપ્ત થશે અને નવાજુદ્દીન સીદ્દીકીનો ઉદય થશે. ફિલ્મનો બીજો ભાગ
નવાજુદ્દીનને નામે છે. આ વખતે તેમના ભાગમાં વધારે ડાયલોગ્સ અને સીન આવ્યા
છે.}

^{વાસેપુરના
નવા ડોન તરીકે નવાજુદ્દીનનો નવો અવતાર જોવા મળશે. મનોજ બાજપેઇનું કહેવું
છે કે આમાં નવા કલાકારોને ખૂબ ફાયદો થશે. મનોજ બાજપેઇની પત્નીનો રોલ ભજવનાર
રીચા ચઢ્ઢા આ વખતે પિસ્તાળીસ વરસની મહિલાના સશક્ત પાત્રમાં નજરે પડશે. જે
ગોડમધરનું પાત્ર ભજવશે. તેની આસપાસ રાજનીતિ અને ગુનાઇત વાતાવરણના લોકો નજરે
ચઢશે.}

^{રીચાનું
કહેવું છે કે તેના માટે આધેડ વયની મહિલાનો કિરદાર નિભાવવો એ એક ચેલેન્જ
હતી. તે ઇચ્છતી હતી કે આ રોલ માટે તેનું વજન થોડું વધે, પણ તેને એટલો સમય
ના મળ્યો. ફિલ્મમાં બીજું આકષર્ણ યશપાલ શર્મા છે. જે લોકોને પહેલા ભાગમાં
તેમની અદાઓ ગમી હતી, તેમની માટે ખુશીના સમાચાર એ છે કે આ વખતે યશપાલ તેમને
ખુશ કરી દેશે.}

^{આ
વખતે યશપાલ ત્રણથી ચાર વાર ફિલ્મમાં દેખાશે. દર વખતે તે જુદાં જુદાં
ગીતોમાં નજરે પડશે. આ વખતે પણ રાજકારણ અને અપરાધના સમીકરણ એ જ રહેશે. માત્ર
તેનું રૂપ બદલાશે. આ વખતે તે મોડર્ન રૂપમાં જોવા મળશે. મોબાઇલ અને
ઇન્ટરનેટ જેવી ટેક્નોલોજીનો સંપૂર્ણ ઉપયોગ અને અપરાધમાં તેનો ભાગ આ વખતે
નજરે પડશે. કેટલાક નવા ચહેરા પણ નજરે પડશે.}

^{સ્નેહા
ખાનવેલકરનું સંગીત પહેલાં પણ સુપરહિટ પુરવાર થઈ ચૂક્યું છે. આ વખતે કેટલીક
નવી ધૂનો અને નવા અંદાજ સાથે તે હાજર છે. એમાંય તેનું ‘ટૈન ટૈન ટૂ ટૂ’ તો
અત્યારથી જ સુપરહિટ છે.}

ગાયત્રી

BOL BACHCHAN

^{Movie Name: બોલ બચ્ચન}

^{Star Cast: અજય દેવગન, અભિષેક બચ્ચન, અસીન, પ્રાચી દેસાઈ, અસરાની, ક્રીશ્ના, વીઆઈપી, અર્ચના પુરન સીંગ}

^{Director: રોહિત શેટ્ટી}

^{Producer: અજય દેવગણ}

^{Writer: ફરહાદ, યુનુસ સજવાલ, સાંજીદ}

^{Music Director: હિમેશ રેશમિયા}

^{Genre:કોમેડી}

^{Singer: અમિતાભ બચ્ચન, અભિષેક બચ્ચન, અજય દેવગન, હીમેશ રેશમીયા, મમતા શર્મા, વીનીત સીંગ, શ્રેયા ગોસાલ, સુખવીન્દર સીંગ, મોહીત ચૌહાણ}

^{Review By Gaytri Joshi - (Abhiyaan)}

^{બોલ
બચ્ચન માં અજયએ બાજી મારી બોલ બચ્ચનમાં આમ તો કંઈ નવુ નથી પણ હા રોહીત
શેટ્ટીનો ટચ અને એકશન તમને આ ફીલ્મ જોવી ગમે. અજયની અફલાતુન એક્ટિંગ અને
અભિષેકનો ડબલ ડોઝ તમને થોડા ગલગલીયા કરાવી જાય. સંગીતમાં કંઈ ખાસ નથી. પણ
એવરેજ મ્યુઝીક કહી શકાય. જયારે અમે આ ફિલ્મના ફસ્ટ ડે ફસ્ટ શોમાં ફિલ્મ
જોવા આવનારને આ વિશેના રીવ્યુ પુછ્યા તો તે કંઈ ક આવા હતા.}

^{Public Reviews:}

^{ફીલ્મમાં અજય ઈઝ ટેરેફીક. અમે તો અજય પર ફીદા થઈ ગયા. ફીલ્મ ઈઝ ઓસમ.
-કવીતા અને શીવાની કોલેજ સ્ટુડન્ટ}

^{ફીલ્મના એકશન બોસ મજા પડી ગઈ. રોહીત શેટ્ટીની ફીલ્મ હોય પછી કંઈ પુછવાનું રહે. સોલીડ ફીલ્મ છે. -મહર્ષી અને ચીંતન સ્કુલ સ્ટુડન્ટ}

^{શું ઢાસું ફીલ્મ છે. ખરેખર અજય એટલે અજયજ. હું તો બીજી ટીકીટ બુક કરાવીને
સાંજના શો માં ફરી આવીશ ફક્ત અજયને જોવા. -બીનલ કોલેજ સ્ટુડન્ટ}

^{અભિષેક
પણ આટલી સારી એકટીંગ કરી શકે છે. વિશ્વાસ જ નથી આવતો. એક ગે ના પાત્રમાં
તેણે પ્રાણ પુરી દીધા. તેનો કથ્થક ડાન્સ યાર દીવાના કરી દીધા ફીલ્મ ઝક્કાસ
-અંકીત (બીઝનેશ મેન)}
^{મને મુવી એકદમ મસ્ત લાગી. હું કાયમ ફસ્ટ ડે ફસ્ટ શો જોવુ છું. ક્રીશ્ના અભિષેકનો અભિનય ખુબ સરસ છે. મ્યુઝીકમાં મઝા નથી.-શ્વેતા}

^{ફીલ્મ
જોયા પછી મોટા ભાગના લોકોના ચહેરા પર સરસ મજાનું સ્મિત હતું. ફીલ્મની
સ્ટોરી જુની ગોલમાલની જ છે. તેમાં થોડા સુધારા વધારા કર્યા છે. ફીલ્મનો
અસલી મજા અભિષેક ના જુડવા ભાઈની એન્ટ્રીથી આવે છે. તે જોઈને સમજાય કે અચ્છા
અભિષેક પણ એકિટ્ગ જાણે છે. અસીન અને પ્રાચીને ભાગે ખાસ કંઈ કામ નથી આવ્યુ
તેના કરતાં અસરાની અને ક્રીસ્નાને ફાળે વધુ ડાયલોગ્સ છે.}

^{ટુંકમાં
કહુ તો એવરેજ મુવી આ વરસાદી સિઝનમાં સિલ્વરની ટિકિટમાં મુવી જોવાય. મુવીને
પાંચમાંથી સાડા ત્રણ પોઈન્ટ આપી શકાય. -ગાયત્રી જોષી - (અભિયાન)}

cocktail

^{સ્ટાર કાસ્ટઃ સૈફ અલી ખાન, દીપિકા પદુકોણ, ડાયના પેન્ટી, ડિમ્પલ કાપડિયા, બોમન ઇરાની, રણદીપ હુડા}

^{ડાયરેક્ટરઃ હોમી અદાજાનિયા}

^{પ્રોડ્યુસરઃ દિનેશ વીજન, સૈફ અલી ખાન, સુનીલ એ લ્યુલ્લા, એન્ડ્રુ હેફર્નર}

^{રાઇટરઃ ઇમ્તિયાઝ અલી}

^{મ્યુઝિક ડાયરેક્ટરઃ પ્રીતમ}

^{નામ ‘કોકટેલ’ પણ ફિલ્મ તો દેશી દારૂ જેવી છે.}

^{‘કોકટેલ’ની
સ્ટોરીમાં કશું જ નવું નથી. નવી છે માત્ર ફિલ્મની હીરોઇન ડાયના પેન્ટી, પણ
તેને ભાગે રડવા સિવાય કશું આવ્યું નથી. ફિલ્મનાં ત્રણ મુખ્ય પાત્રો ગૌતમ
(સૈફ અલી ખાન), વેરોનીકા (દીપિકા પદુકોણ), મીરા (ડાયના પેન્ટી)છે અને જેમ
થતું હોય છે તેમ તેમની વચ્ચે પ્રણય ત્રિકોણ રચાય છે. આજની જનરેશનને અનુરૂપ
ફિલ્મની શરૂઆત છે. લંડનમાં રહેતો ગૌતમ એક પ્લેબોય ટાઇપનો યુવાન છે.
વેરોનીકા પણ લંડન સ્થાયી થયેલી આજની મોડર્ન યુવતી છે. એઝ યુઝ્વલ તે એકલી
રહેતી હોય છે. મસ્ત લાઇફ વીતાવતી હોય છે. મીરા ભારતથી લંડન પોતાના પતિને
મળવા અને તેની સાથે રહેવા આવે છે, ત્યારે એઝ યુઝ્વલ તેનો પતિ તેને નથી
રાખતો. ત્યાર તેનો ભેટો વેરોનીકા સાથે થાય છે. વેરોનીકા મીરાને પોતાના ઘરે
આશરો આપે છે અને ધીરે ધીરે મીરાને નોકરી મળી જાય છે. તે સ્ટેબલ થતી જાય છે.}

^{ગૌતમ
અને મીરાની એક નાનકડી મુલાકાત થઈ હોય છે. પછીથી ગૌતમ, વેરોનીકા અને મીરાના
સંપર્કમાં આવે છે અને વેરોનીકા તેમજ ગૌતમ એક રિલેશનશિપમાં રહેવા લાગે છે
અને મીરા વેરોનીકા તેમ જ ગૌતમ એક સાથે એક જ ઘરમાં રહેવા લાગે છે. એટલામાં
દિલ્હીથી ગૌતમની મા આવે છે અને ત્યારે ગૌતમ મીરાને પોતાની પ્રેમિકા તરીકે
ઓળખાવે છે અને બસ પછી મીરા અને ગૌતમને પ્રેમ થઈ જાય છે. એ જ ભારતીય પુરુષની
મેન્ટાલિટી કે ફરવા માટે મોડર્ન છોકરી જોઈએ, પણ લગ્ન માટે તો ટિપિકલ
ભારતીય યુવતી પર જ પસંદગી ઉતારે છે. એટલે ફિલ્મ મોડર્ન કન્સેપ્ટ ધરાવતી
હોવા છતાં પછાત લાગે છે.}

^{ઇન્ટરવલ
પછીની ફિલ્મ તો સાવ બોરિંગ લાગે છે. એ જ ‘દોસ્ત દોસ્ત ના રહા’ની ફિલિંગ
તમને થયા વગર ના રહે અને પછી તો છેક એન્ડ સુધી મૂવી આપણને સાવ કંટાળાજનક
લાગે. એમ થાય કે હવે આ ફિલ્મ ક્યારે પૂરી થાય.}

^{પણ
ફિલ્મનાં ગીતો એ-વન છે. તેનું મ્યુઝિક ખૂબ જ સુંદર અને સાંભળવું ગમે તેવું
છે. ફિલ્મની સ્ટોરી ભલે પુરાણી હોય, પણ દીપિકાની ફ્રેશનેસ જોવી ગમે તેવી
છે. ડાયનાની માસૂમિયત ઇન્ટરવલ સુધી ગમે છે, પણ તેના ચહેરા પરના એકના એક
એક્સપ્રેશન તમને બોરિંગ કરી મૂકે તેવા છે. સૈફ અલી ખાનને ફાળે વધુ એક વખત
પ્લેબોયનું પાત્ર આવ્યું છે જે તેને બરોબર ફિટ બેસે તેવું છે.}

^{‘અભિયાને’ જયારે આ ફિલ્મ કેવી લાગી તે વિશે ફર્સ્ટ ડે ફર્સ્ટ શો જોનારા લોકોને પૂછ્યું ત્યારે તેમના રીવ્યુ કંઈક આવા હતા.}

^{ફિલ્મ
ખૂબ કૂલ છે. દીપિકા અને સૈફની જોડી ખરેખર સાથે સારી લાગે છે, પણ સ્ટોરી
ખૂબ નબળી છે અને ડાયનાને એક્ટિંગ આવડતી જ નથી. જોકે મને ફિલ્મ ખૂબ પસંદ
પડી. તેમાંય ‘તુમ્હી હો બંધુ સખા’ વાળું સોન્ગ તો ખૂબ જ ગમ્યું.}

^{ડિંકલ- એન્જિનિયરિંગ સ્ટુડન્ટ}

^{ફિલ્મ
યંગસ્ટર્સને ગમશે. તેમાંય દીપિકાની બિનધાસ્ત ઇમેજ. ખરેખર બોસ છોકરી હોય તો
આવી. પણ તે સિવાય ફિલ્મનું કોઈ બીજું આકર્ષણ નથી. સ્ટોરી તો એ જ ઘીસીપીટી
છે. હું આ મૂવી બીજી વાર જોવાનું જરૂરથી પસંદ કરીશ.}

^{ઝીલ- કોલેજ સ્ટુડન્ટ}

^{મારો
નિયમ છે કે હું કોઈ પણ મૂવી હંમેશાં ફર્સ્ટ ડે ફર્સ્ટ શોમાં જ જોવું છું. આ
વખતે ‘કોકટેલ’માં મને તો એ જ ના સમજાયું કે સ્ટોરી શેની હતી. કેમ કે તેમાં
કોકટેલ જેવું તો કશું છે જ નહીં.}

^{મનોજ- દુકાનદાર}

^{મૂવી
ઈઝ ઓસમ બોસ આઈ લવ ડાયના એન્ડ દીપિકા. એક વાત તેમાં સાચી છે કે ભલે ગમે
તેવા મોડર્ન થઈ જઈએ, પણ જયારે સાચા લવ અને મેરેજની વાત આવે ત્યારે ઇન્ડિયન
મેન ભારતીય નારીને જ પ્રાધાન્ય આપશે.}

^{મનન- કોલેજ સ્ટુડન્ટ}

^{મને તો મૂવી ખૂબ ગમી. આમેય દીપિકા અને સૈફની જોડી મને ખૂબ ગમે છે. એક દમ
બેસ્ટ કપલ લાગે છે બંને. બીજી હીરોઇનની એક્ટિંગ ઠીકઠાક છે. બોમન ઈરાની ઈઝ
રોકિંગ.
શ્રદ્ધા- ગૃહિણી}

^{અરે
આ ઉંમરે પણ ડિમ્પલ કાપડિયાને જોવી ગમે છે. જોકે તેમનો રોલ લિમિટેડ છે, પણ
મને ગમ્યો. દીપિકા ઈઝ વેરી હોટ. એન્ડ શી લુક ફેન્ટાસ્ટિક ઈન ધીસ મૂવી. હું
તો ફિલ્મ જરૂર બીજી વાર જોઈશ.
રોહિત- બિઝનેસમેન}

^{સિલ્વરની ટિકિટ લઈ મૂવી જોવાય અને ફિલ્મને મળે છે પાંચમાંથી ત્રણ પોઇન્ટ.}

^{ગાયત્રી જોશી}

કાયદા

ફસ્ટ યરના ક્લાસમાં

બેરીસ્તા

મજબૂર

Share