Maggi Masala Pockets

Maggi Masala Pockets
મેગી મસાલા પોકેટ્સ બનાવવા માટેની આવશ્યક સામગ્રીઓ

- બ્રેડની ૬ સ્લાઈસ(bread slices).
- ૨ ચમચી ઝીણી સમારેલ ગાજર(carrots).
- ૩ ચમચી ઝીણી સમારેલ ડુંગળી(onion).
- ૨ ચમચી ઝીણું સમારેલ કેપ્સીકમ(capsicum).
- ૩ ચમચી ઝીણા સમારેલ ટામેટા(tomato).

અન્ય સામગ્રીઓ:

- ૧ ચમચી આદું-લસણ-મરચાંની પેસ્ટ
- ૧ મેગી પેકેટ
- ૧ કપ મેંદાના લોટની સ્લરી
- ૧ ચમચી કોથમીર
- ૨ ચમચી તેલ
- તળવા માટે તેલ

મેગી મસાલા પોકેટ્સ બનાવવાની રીત:

- સૌ પ્રથમ એક નોન-સ્ટીક કડાઈમાં તેલ ગરમ કરી, તેમાં ગાજર, ડુંગળી ઉમેરી બન્નેને થોડી વાર સાંતળી લો.
- હવે તેમાં આદું-લસણ-મરચાંની પેસ્ટ, કેપ્સીકમ, નાંખી થોડી વાર સાંતડો.
- હવે તેમાં થોડું જરૂર અનુસાર પાણી ઉમેરી પાણી ઉકળવા લાગે ત્યાં સુધી રાંધો.
- ત્યારબાદ તેમાં મેગી ઉમેરી તેને રાંધો.
- હવે મેગી મસાલાને એક બાઉલમાં લઇ લો.
- ધ્યાન રાખો કે મેગીમાં થોડું પણ પાણી ન હોઈ.
- હવે બ્રેડની સ્લાઈસ લઇ તેની કિનારી ચપ્પુની મદદથી કાપી લો અને બ્રેડને પાટલા પર રોલ વાળી લો.
- હવે બ્રેડ સ્લાઈસની એક છેડે મેંદાના લોટની લુગદી લગાઓ.
- હવે તેમાં ૧ ચમચી જેટલો મેગી મસાલો ભરી બ્રેડને બીજા છેડેથી વાળી દો.
- હથેળી વડે સરખી રીતે દબાવી દો જેથી તે બન્ને બાજુ સરખી રીતે ચોંટી જાય.
- આ રીતે બધાજ પોકેટ્સ તૈયાર કરી લો.
- હવે કડાઈમાં તેલ ગરમ કરી આ પોકેટ્સને મધ્યમ ગરમ તેલમાં ગોલ્ડન બ્રાઉન થઇ જાય ત્યાં સુધી તળી લો.
- તેને સર્વિંગ પ્લેટમાં લઇ ટોમેટો કેચપ સાથે સર્વ કરો.